ابشرك فرقاك
صفحة 1 من اصل 1
ابشرك فرقاك
ماكنت متوقع تجي صدمتي فيك \\\ لين شفتك بالجفى صرت بادي
شلي يفيدك لا سهرت عين مغليك \\\ وانت بجنابك مهتني بالرقادي
اذكر كلامك يومك تقول شاريك \\\ مابيع حبك لو يزيد المزادي
وشفيك بايعني عسى الله يبليك \\\ وجازيتني بالصد ويا البعادي
مدام خنت الود ماني براجيك \\\ وعسى حياتك بين هم ونكادي
ولوك تدوس النار ماني بناهيك \\\ بشوف لا شيبت لمنهو تنادي
لا تحسبيني لو تنادي اباجيك \\\ بالعكس تكبر فرحتي في فؤادي
دامك تبي فرقاي وخليت هاويك \\\ ابشرك فرقاك ثالث عيادي
نفسي عزيزه وانت نفسك توطيك \\\ منت بقدي بالجفى والعنادي
وهذا قراري من حياتي ابنهيك \\\ ياللي طلبت البعد فرقاك عادي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى